किन ?

सधैं मेरो झुपडीमा गीठ्ठा मात्रै पाक्छ किन ?
देखि देखि मेरै पेट मिठो मात्रै माग्छ किन ?
....................................................

हर दिन पाखुरा यी बजाएर काम गर्छु
फेरि सधैं दुखियाको सुख छेउ लाग्छ किन ?
......................................................

गरिबीको कुहिरोमा सामन्तीको धुइरोले
मरी मरी बाँचोस् भनी मेरै शीर ताक्छ किन ?

.....................................................
श्रम गर्ने मैले यहाँ फल मिल्छ अर्कोलाई
दैवले'नी मेरै भाग्य अङ्कुशेमा जाक्छ किन ?

......................................................
आँशु पोखी यो धर्तिमा बाँच्ने चाह छैन अब
बोलाउँछु मृत्‍युलाई फेरि टाढा भाग्छ किन ?

...........................
आनन्द भट्टराई "गाउँले